Te fundit

Kreu i PD: Kemi marrë vendim, s’mund të ketë zgjedhje me Edi Ramën kryeministër

Lulzim-Basha

Kryeu i opozitës ka reaguar sot përmes një deklarate, me anë të së cilës ka theksuar edhe njëherë rëndësinë e betejës për zgjedhje të lira e të ndershme.
Sipas Lulzim Bashës nuk mund të ketë zgjedhje me Edi Ramën kryeministër.
Basha konfirmoi kështu sërish kërkesën e opozitës për një qeveri teknike, e cila do të përgatisë zgjedhjet e ardhshme parlamentare.
Më poshtë deklarata e plotë e Bashës.
Me shpresën e kotë se mund të ndalë betejën tonë vendimtare për Zgjedhje të Lira e të Ndershme, Edi Rama me një grusht mercenarësh mediatikë po përpiqen të shpikin fijen e kashtës në PD për tu kapur si i mbyturi.
E njëjta intrigë që i doli huq në planin e tij për të kapur drejtësinë duke përjashtuar opozitën. Të njëjtat mendje të prishura që mbështetën “të sëmurin e Tiranës” kundër konsensusit për reformën në drejtësi sepse ashtu do të përçante opozitën.
Te njëjtët që bënë çmos të pengojnë dekriminalizmin për llogari të Rroshit, Bushit, Frrokut, Ndokës, Prengës, Shullazit, Habilajt dhe mbarë kupolës së krimit të veshur me pushtet dhe pushtetit të veshur në krim.
Te njëjtët që shpallën zinë 7 ditore (prej të cilës nuk po dalin dot), kur Shqipëria dhe PD fituan pa kushte betejën për drejtësi sipas Venecias e jo sipas Ramës.
Tani që bien topat e betejës për zgjedhje të lira e të ndershme, kuisin me dëshpërim kundër kushtit të patejkalueshëm opozitar dhe popullor që është njëkohësisht edhe ankthi i përnatshëm i “të sëmurit të Tiranës”.
Nuk ka zgjedhje me Edi Ramen kryeministër dhe me langot e tij te korruptuar e të bërë njësh me krimin dhe drogën. Vendimi është marrë. Është një vendim popullor i pakthyeshëm. Zgjedhje te lira dhe te Ndershme vetëm pa Edi Ramën kryeministër.
/tvbulqiza.al